әскери техниканы тексеру

(Осмотр военной техники)

әскери техника үлгілерінің жағдайларын және олардың әр түрлі режімде қолданылуын (арнаулы мақсаты бойынша дайындау мен қолдану, техникалық қызмет көрсету, тасу және сақтау) бақылау мақсатында тікелей тексеру жүргізу. Ә.т.т. техникалық жағдайды бақылау үшін және әскери техниканың қолданылуын бақылау үшін тексеру болып бөлінеді. Ә.т.т. бірінші түрі бөлімдер командирлері және басқа лауазымды тұлғалар басшылығымен жарғыларда, тәлімдемелерде, басшылықтарда, пайдалану құжаттарында белгіленген мерзімдерде, сонымен қатар бөлімдерді тексеру және инспекциялық қадағалау кездерінде жүргізіледі. Оның басты мақсаты әскери техниканың ұрыстық мүмкіндігін (техникалық дұрыстығын), толымдылығын және әскери техниканы ұстау дұрыстығын анықтау болып келеді. Сонымен қатар әскери техниканы сақтауға, есепке алуға және есеп беруге, пайдалануды жоспарлау мен ұйымдастыруға, парктердегі ішкі қызметті жүргізуге, жеке құрамның бұйрықтар, тәлімдемелер, басшылықтар және пайдалану мен жөндеу бойынша нұсқаулардың талаптарын білуі мен орындауына байланысты басқа да мәселелер тексеріледі. Ә.т.т. нәтижесі бөлім (құрама) бойынша бұйрықта жарияланады. Онда техниканың жағдайы мен пайдаланылуы бағаланады, сонымен қатар, анықталған кемшіліктер сараланып, оларды жою үшін нұсқаулар беріледі.